除左肥牛，你又識食幾種？
8種刁鑽牛肉部位
（網上圖片）
由於呢場疫症關係，導致大家都無得出街圍埋一齊打邊爐。大家唔洗咁快就失望既，因為有得買餸返屋企打，但次次打邊爐得肥牛好悶？依家就介紹8種靚牛肉部位比你地啦～
1. 封門柳
（網上圖片）
封門柳係牛既橫隔膜肌肉，每隻牛只得一條，係極之罕有。牛肉味好重，油花比較少，適合啲鐘意溫肉味濃者。
肉味：9/10 油香：4.5/10 質感：比較腍
2. 吊龍伴
（網上圖片）
吊龍伴係牛脊背上一長條肉。因為帶左一啲肥肉比其他部位更加香滑可口，同樣細嚼都無渣。
肉味：8/10 油香：8/10 質感：香滑可口
3. 胸口膀
（網上圖片）
胸口膀全部都係脂肪，油香好重。由於切開個陣有機會連同附近既牛肉一齊切落，所以都有少少肉味。
肉味：2/10 油香：9/10 質感：爽口
4. 牛朴肉
（網上圖片）
牛朴肉亦即係牛頸脊，係牛隻活動最多的部位，食落封好有咬口，脂肪較少。
肉味：7/10 油香：6/10 質感：比較韌
開餐使用大餐事後丸
每當享用豐盛大餐時，緊記食包一餐阻隔性口含片先，係開餐時隔走一餐過多既吸收，而且佢無任何清腸減肥功能，所以人人都食得，帶定幾包開餐就點食都唔怕啦！(萬寧熱賣 $23/包)
5. 金花趾
（網上圖片）
金花趾係從牛小腿上拎落黎既牛肉，係一種高度鍛煉既肌肉，由高水平既結締組織支撐。
肉味：6/10 油香：5/10 質感：爽口
6. 牛坑爪
（網上圖片）
牛坑爪即牛肋條，係牛既前胸，肋骨間既牛柳，多數會出現西餐入面。牛坑爪雖然有脂肪，但無坑腩咁肥，都無油淋淋感。
肉味：8/10 油香：7/10 質感：腍滑
7. 牛心椗
（網上圖片）
牛心椗係心臟大動脈血管，係牛既內臟，所以無牛肉味亦都無油香。
肉味：0/10 油香：0/10 質感：爽口
8. 匙肉
（網上圖片）
匙肉係牛肩胛底層，肉既筋比較少，但肉質香，油份亦較多。
肉味：8/10 油香：9/10 質感：香滑
