深水埗美食指南
Café Sausalito
必食：朱古力咖啡, 全日早餐
地址：深水埗大南街201號地舖
營業時間：星期一至五, 日 09:00 – 18:00, 星期六 09:00 – 19:00
電話：9165 0670
黎到深水埗，可以去呢間咖啡店食個全日早餐先。配料都十分足夠，炒蛋食落好香口。
熱朱古力不太甜，而且有拉花，感覺相當美好。
（網上圖片）
Midway Shop
地址：深水埗基隆街132B 地舖
營業時間：星期三至日 13:00 – 19:00
電話：3188 1951
呢間位於基隆街既文藝小空間，係一間具日本風格既特色家具精品小店，出售各種創意設計精品；店主熱愛旅行，更愛收集旅行中遇見既設計精品，分享旅行中既點滴。由網店到實體店，店主秉持信念，將這份文藝氣息注入深水埗。
店內精品大多由日本購入，例如奈良老店既傳統麻織品；亦有本土創意產物：吊飾、鎖匙扣等飾物，抑或極實用既陶姿食具、天然清潔護理產品，通通都可以喺度揾到！
（網上圖片）
Foreforehead
地址：深水埗基隆街132B 閣樓
營業時間：星期三至日 13:00 – 19:30
電話：9172 7911
位於上述深水埗Midway Shop既樓上呢間家品小黃店，出售各種手工藝品，同時是藝術展覽空間；熱愛藝術既店主從外國進修藝術回港，旨在將本地和外地既藝術同放於此藝術角落，透過各種古怪有趣既玩物，將藝術帶比大眾。
小店不時推出特色精品系列，好多都係出自外國藝術家既手筆；就好似英國設計師Jane Richards和Amy Lindsay既皮革小物系列，產品實用而不失趣味，而且係英國製造，品質有保證！行過深水埗，不妨親臨呢間閣樓上既小淨土，讓你既藝術細胞有喘氣既空間！
（網上圖片）
番茄師兄
必食：犇犇有禮米線, 慢煮麻辣瑞士汁雞翼
地址：深水埗基隆街255號地舖
營業時間：星期一至日 11:30 – 22:00
電話：9165 0670
犇犇有禮，牛肉用上騸牯牛閹牛，所以牛味特別鮮同重，牛面頰，牛坑腩，崩沙腩，3款唔同部位都各有特色，軟腍，爽脆，濃郁牛味都可以一次過食到，好滿足。
慢煮麻辣瑞士汁雞翼，食落真係有麻嘅感覺，但不會太辣，加上瑞士汁嘅甜味，味道好有層次，抵食又特別，必點!!
開餐使用大餐事後丸
每當享用豐盛大餐時，緊記食包一餐阻隔性口含片先，係開餐時隔走一餐過多既吸收，而且佢無任何清腸減肥功能，所以人人都食得，帶定幾包開餐就點食都唔怕啦！(萬寧熱賣 $23/包)
（網上圖片）
兄弟皮藝
地址：深水埗大南街207-209號地鋪
營業時間：星期一至六 10:30 – 19:30, 星期日 11:30 – 17:00
電話：9136 0897
基隆街向南一個街口，就係商鋪林立既大南街；呢間皮革工藝小店售賣各種皮具，店內飄著陣陣皮革既香氣，令人陶醉；每件精緻既皮革製品，經過雕刻、爉染、縫紉而製成，絕對唔係一門簡單既手藝，佢背後雜複而華麗既手工，絕對值得我地好好欣賞！
近年來，社會掀起一陣皮革潮流，皮革製品往往係人們既送禮之選；但有無想像過自己都可以親手製作，為皮革注入無限温暖，送上滿滿既心意；小店會定期開班教手縫皮藝，如果想親自嘗試皮藝製作，就要緊密留意。
（網上圖片）
PHVLO HATCH
地址：深水埗黃竹街13號地下
營業時間：星期一, 五 10:00 – 19:00, 星期二至四, 六日 10:30 – 19:00
電話：2791 7128
呢間行工業風格既文青cafe以綠色裝潢為主調，帶有粗糙小裂㾗水泥牆壁，加上復古小擺設，充滿工業歲月痕迹。不可不提既係呢個通向樓上既旋轉樓梯，打造左曲線視覺美感，絕對係完美打卡位！
客人除左可以點牛角包、沙律等輕食，最特別係仲有公仔麵可以選擇，食物單品價格由$30至$60不等。
（網上圖片）
蘇媽.蘇媽
必食：招牌砂煲老鼠粉, 辣死你嗎
地址：深水埗基隆街251號地下
營業時間：星期一至日 11:30 – 22:00
電話：2447 9188
招牌砂煲老鼠粉其實係銀針粉，炒得非常香口，砂煲有效保持食材嘅溫度，一邊撈一邊聞到香味，近煲邊嘅銀針粉仲有少少焦香添，非常惹味！
辣死你嗎配咖喱雞肉，個飯有椰漿飯、參巴醬、青瓜、花生、乾魚仔、薯仔、蛋，當然唔少得雞肉！椰漿飯份量唔少，應該有兩碗。顏色帶綠，食落帶淡淡椰香，幾特別。
（網上圖片）
