長州美食全攻略

首先,要到中環5號碼頭坐普通船(需時約60分鐘)/高速船(需時約30分鐘)到達長洲。

長洲有好多賣各種紀念品同小食。碼頭入口最多,要行入少少先無咁多人。黎到緊係即刻搵啲野食啦!

(網上圖片)

漁樂

必食:本灣墨魚厚切, 脆香去骨鱭魚

地址:長洲大新海傍路81B地下

營業時間:星期一至二, 星期四至日 13:00 – 19:00

電話:2981 2003

呢款好推介,墨魚真係又滑又彈牙,十分好食,同平時食到嘅差太遠了,推介~~

脆香去骨鱭魚,外面魚身炸到脆卜卜,但內裡魚肉很滑,值得一試~

(網上圖片)

長洲建築同街道都好有特色,呢到有種當地既氣氛。

有好多唔同種類既咸魚賣,都係當地人親手製作。

最出名既打卡地點莫過於呢整片愛心鎖牆,每個鎖都寫上自己既願望同祝福。行到累個陣,不妨入黎坐陣,飲返杯椰皇冰滴咖啡。

(網上圖片)

啡寮

必食:檸檬蜂蜜冰滴咖啡, 椰皇冰滴咖啡

地址:長洲新興街4號地下

營業時間:星期一至日 10:30 – 19:00

電話:5508 8369, 6699 5892

椰皇係即叫即開,以原個新鮮椰皇奉上,非常特別。採用了烏干達冰滴咖啡,

與撬開倒出椰皇水混合,感覺清甜解渴,咖啡味雖然不會好濃,但係非常甘醇。

檸檬蜂蜜冰滴咖啡,飲得出咖啡水準幾高。混合埋檸檬同蜂蜜,味道幾清新同埋成件事幾夾。推介~

開餐使用大餐事後丸

 

每當享用豐盛大餐時,緊記食包一餐阻隔性口含片先,係開餐時隔走一餐過多既吸收,而且佢無任何清腸減肥功能,所以人人都食得,帶定幾包開餐就點食都唔怕啦!(萬寧熱賣 $23/包)

(網上圖片)

東灣海灘好熱鬧,好多人會去玩沙玩水同影相,黎長洲必去既地點。如果肚餓,都可以去火車頭酸辣小窩食飯。

(網上圖片)

火車頭酸辣小窩

必食:煙鴨胸秀珍菇蕃茄米線, 紫薯網卷

地址:長洲新興街36號地下

營業時間:星期二至五 11:30 – 21:00, 星期六至日 11:30 – 17:00

電話:2981 2022

煙鴨胸配秀珍菇蕃茄米線,仲包一杯飲品。依個蕃茄湯底都幾濃郁鮮甜,仲有蕃茄蓉,煙鴨胸和秀珍菇都幾好味,味道食落會好夾。

紫薯網卷就有啲特別,一咬落去啲蕃薯就咇出嚟,外面好脆口同蕃薯好夾,不過佢即炸起所以要小心熱,小心食個陣會燙親。

(網上圖片)

下一個目的地就係張保仔洞,要行大約15-20分鐘先到呢個入口,如果唔想咁辛苦都可以借單車踏過去,途中都可以欣賞海邊景色。

張保仔洞洞口好黑同好窄,如有需要,要用手電筒。張保仔洞有好多奇形怪石,

好多人都會同影相。洞外比海水包圍住,海風吹過黎都好舒服,景色都好靚!!

(網上圖片)

長洲角酪

必食:甘露角酪, 水果大馬士革

地址:長洲新興街78號地舖

營業時間:星期一至六 12:30 – 22:00, 星期日 11:30 – 20:00

電話:5682 4638

天氣咁熱,一來一回又需要好多時間,天色都唔早,搭船前都可以飲返啲野。

酸奶飲落去好滑,味道唔會話太濃,酸奶配係芒果同西柚好特別。

最特別嘅係有少少紫糯米,黏黏韌韌增加口感。好似飲得到嘅芒果糯米飯。

款水果茶用上多款唔同新鮮生果製成,當中包括有火龍果、熱情果、橙、西瓜等,

飲落去酸酸地甜甜地,但都有茶的香味,有種開胃消滯既感覺!

(網上圖片)