油尖旺火鍋地膽懶人包
1. 尚上下夏
必食：手切安格斯, 鴛鴦雞煲
地址：尖沙咀山林道23號地下
營業時間：星期二至日 18:00 – 02:00
電話：2470 2668
店鋪入面裝修好有本土舊社會大排檔打邊爐既氣氛，好有傳統懷舊氣息。
鴛鴦雞煲，雞件炒得好香口入味，每一件都好滑好入味，配料亦都好充足，成個雞煲都好濃味好夠味！
辣度方面中辣比較辣，慢慢食落先知勁，個種辣味係越食越辣，但好惹味。
手切安格斯，牛肉雪花紋好整齊，食落都唔硬，幾好食。
海龍王拼盤，拼盤中有珊瑚蚌，蟶子皇，新鮮鮑魚，虎蝦，花膠桶，帶子皇，
花甲皇，桂花蚌都新鮮好味道，海鮮當佢新鮮就會好味道。
油炸鬼墨魚滑，加上滿滿嘅蟹子，墨魚滑嗰邊擺落湯底一分鐘就食得，吸盡湯底味道，墨魚滑爽滑彈牙，仲食到油炸鬼脆身嘅口感。
（網上圖片）
2. 喜鍋
必食：招牌花膠鯊魚骨膠原湯鍋, 牛魔皇塔
地址：旺角上海街428號地舖
營業時間：星期一至日 18:00 – 03:00
電話：2766 1378
店鋪環境幾舒服，地方都夠大，唔洗逼黎逼去。
牛魔王塔，有安格斯肥牛粒、本地手切肥牛肉和手切安格斯肥牛。安格斯肥牛粒鬆軟多汁，本地手切肥牛較薄身肉質偏瘦，
牛味濃郁；手切安格斯肥牛厚切Juicy，油花分佈均勻，入口嫩滑滿有脂香。
花膠鯊魚骨膠原鍋，店員會提醒先飲湯，湯底清甜好足料，大量鯊魚骨同花膠，仲有豬骨和雞腳，
骨膠原十足！這個湯底仲附送一小桶甘香泡飯，全部係香脆可口的飯焦，連湯一齊食好好味。
蟹籽墨魚滑油炸鬼，這款油炸鬼即叫即製，油炸鬼非常脆口，墨魚滑爽口彈牙，
墨魚滑上還有大量蟹籽，口感十足，再配上酸甜醬，令味道更惹味!
開餐使用大餐事後丸
每當享用豐盛大餐時，緊記食包一餐阻隔性口含片先，係開餐時隔走一餐過多既吸收，而且佢無任何清腸減肥功能，所以人人都食得，帶定幾包開餐就點食都唔怕啦！(萬寧熱賣 $23/包)
（網上圖片）
3. 8鍋臭臭鍋
必食：牛奶芝士鍋, 招牌臭臭鍋
地址：尖沙咀金巴利道77號地舖
營業時間：星期一至日 12:00 – 00:00
電話：2885 7867
雖然地方唔算太大，但係裝修具有台灣特色，好有文藝氣息。
芝士牛奶鍋好受歡迎，材料大致同臭臭鍋差唔多，但多左麻吉燒、魚豆腐、蛋餃、烏冬，全部都好飽肚。
牛奶湯加左芝士片睇落好膩，但味道冇臭臭鍋咁濃，啱晒女仔食。
招牌臭臭鍋，湯底大讚，小辣辣度加埋臭臭地既湯底，忍唔住飲左幾啖湯先。入面又有豬紅，豚肉，大腸，好有台灣風味。
臭豆腐有足夠嘅辣味，放入口夠晒滋味。而且唔會炸到好乾，都仲keep住有啲水份。
滷肉飯，滷肉煮得好油亮，非常香濃，唔怕肥嘅客人，碗飯絕對稱得上佳品。
（網上圖片）
4. 吞POT 雞煲火鍋 住家菜
必食：十全大寶丸, 滋補螺片花膠雞煲
地址：旺角彌敦道726號23樓
營業時間：星期一至日 12:00 – 15:00, 17:30 – 00:00
電話：2508 0002
由於係樓上舖，地方唔算好大，但勝在環境舒服，相比一般雞煲火煱店無咁嘈，可以慢慢吹水同享受美食。
牛三郎，有雪花肥牛、牛肋肉同牛柳粒。牛肉好有牛味，而且好新鮮，所以個牛柳粒冇烚好耐就食啦，另外仲有牛柏業都好爽。
螺片花膠雞煲，勁足料，好多雞件，好嫩滑，花膠塊塊都好厚身又大塊，
螺肉鮮甜有咬口，煲出黎嘅湯變咗奶黃色，超濃超鮮甜。
十全大寶丸分別有生拆蟹粉墨魚丸、黑松露墨魚丸、黃金海膽墨魚丸、香煎鵝肝蝦丸、芝心牛丸。
呢5款入面我最鍾意係個蟹粉墨魚丸，一咬開好濃郁既蟹味。
餃餃陣，有4款唔同口味既餃：魚皮餃、鮮蝦雲吞、韮菜餃、蟹粉蟹肉雲吞。每款都好有驚喜，由其是蟹粉蟹肉雲吞好好食。
（網上圖片）
